📚 Ko‘chma kutubxona tashkil etildi 20-fevral kuni Baxmal tuman Axborot-kutubxona markazi tomonidan Baxmal tuman Favqulodda vaziyatlar bo‘limida ko‘chma kutubxona tashkil etildi. Mazkur tashabbusdan ko‘zlangan maqsad — xodimlarning bo‘sh vaqtlarini mazmunli tashkil etish, kitobxonlik madaniyatini yanada rivojlantirish hamda ularning ma’naviy dunyosini boyitishdir. Ko‘chma kutubxona uchun 20 dona saralangan kitob ajratilib, maxsus kitob javoniga joylashtirildi. Ushbu kitoblar turli mavzularni qamrab olib, o‘quvchilarning bilim va tafakkurini oshirishga xizmat qiladi. Baxmal tuman Axborot-kutubxona markazi tomonidan bu kabi ma’rifiy tadbirlar kelgusida ham davom ettiriladi.